ट्रम्प म्हणतात, सर्वाधिक करोनाबाधित अमेरिकेत हा आमचा सन्मान..!

ट्रम्प म्हणतात, सर्वाधिक करोनाबाधित अमेरिकेत हा आमचा सन्मान..!

Trump say I'm Lucky

◆ वॉशिंग्टन: जगातील अनेक देश करोनाबाधितांच्या वाढत्या संख्येमुळे चिंतेत असताना अमेरिकेचे राष्ट्राध्यक्ष डोनाल्ड ट्रम्प यांनी केलेल्या वक्तव्यामुळे अनेकांच्या भुवया उंचावल्या आहेत. जगात सर्वाधिक करोनाबाधित अमेरिकेत असणे ही आमच्यासाठी गौरवास्पद बाब असल्याचे ट्रम्प यांनी म्हटले आहे. 

◆ व्हाइट हाउसमध्ये माध्यमांशी संवाद साधताना ट्रम्प यांनी हे वक्तव्य केले. अमेरिकेत करोनाबाधितांची संख्या वाढत आहे. राष्ट्राध्यक्ष ट्रम्प यांनी म्हटले की,अमेरिकेत सर्वाधिक करोनाबाधित आढळले असले तरी मी या मुद्याकडे वेगळ्या पद्धतीने पाहत आहे. सर्वाधिक रुग्ण आढळणे ही बाब आमच्यासाठी चांगली असून याचा दुसरा अर्थ आम्ही सर्वाधिक करोना चाचण्या केल्या आहेत. अमेरिकेत मंगळवारपर्यंत सुमारे एक कोटी २६ लाख नागरिकांच्या करोना चाचणी करण्यात आल्या आहेत. जॉन हॉपकिन्स विद्यापीठाच्या आकडेवारीनुसार, अमेरिकेत करोनाबाधितांची संख्या १५ लाखांहून अधिक झाली असून ९२ हजार नागरिकांचा मृत्यू झाला आहे. 

◆ राष्ट्राध्यक्ष डोनाल्ड ट्रम्प यांच्या वक्तव्यानंतर त्यांच्यावर विरोधकांनी टीका केली आहे. अमेरिकेत सर्वाधिक करोनाबाधित आढळणे म्हणजे करोनाचा संसर्ग रोखण्यास सरकार अपयशी ठरले असल्याचे डेमोक्रेटीक नॅशनल कमिटीने म्हटले आहे.