नवी दिल्ली : करोना संकटादरम्यान ५५ दिवसांच्या लॉकडाऊनंतरही संक्रमितांच्या आकड्यात सतत लक्षणीय वाढ होताना दिसून आलीय. भारतात करोना संक्रमितांचा आकडा १ लाखांच्या पुढे गेल्या. एक लाखांचा आकडा पार करणारा भारत हा जगातील ११ वा देश बनवलाय. देशात एव्हाना ३ हजारांहून अधिक जणांना आपले प्राण गमवावे लागलेत तर जवळपास ३६ हजारहून अधिक लोकांनी करोनावर यशस्वीरित्या मातकेलीय.
◆ भारत जगात ११ व्या स्थानावर
● जगातील करोनाबाधितांच्या आकड्यावर नजर टाकली असता, सर्वाधिक रुग्णसंख्येच्या बाबतीत अमेरिका अजूनही आघाडीवर आहेच. अमेरिकेत आत्तापर्यंत १५ लाख ५० हजार २९४ रुग्ण आढळलेत तर ९१ हजार ९८१ जणांचा मृत्यू झालाय. दुसऱ्या क्रमांकावर असलेल्या रशियात २ लाख ९० हजार ६७८ रुग्ण आहेत तर २ हजार ७२२ रुग्णांचा मृत्यू झालाय. त्यानंतर स्पेन, ब्राझील, युनायटेड किंगडम, इटली, फ्रान्स, जर्मनी, तुर्कस्थान, इराण हे देश करोना संक्रमणाच्या बाबतीत भारताच्या पुढे आहेत.
◆ देशात महाराष्ट्र, गुजरात आघाडीवर
● देशात करोनाचा सर्वाधिक फटका महाराष्ट्राला बसलेला दिसतोय. महाराष्ट्रात करोनाबाधितांचा आकडा ३५ हजारांच्या पुढे गेलाय. सोमवारी केवळ एकाच दिवशी महाराष्ट्रात तब्बल २०३३ नवीन करोनाबाधित रुग्ण आढळले तर ५१ जणांनी आपले प्राण गमावले. महाराष्ट्रात करोनाबाधितांचा आकडा ३५ हजारांच्या पुढे गेलाय.
● महाराष्ट्रानंतर नंबर लागतो तो गुजरातचा... गुजरातमध्ये जवळपास १२ हजार करोना संक्रमित रुग्ण आढळलेत. त्यानंतर ११,२०० रुग्णसंख्येसहीत तामिळनाडू तिसऱ्या क्रमांकावर आहे. यानंतर दिल्लीचा क्रमांक लागतो. दिल्लीत १० हजारहून अधिक रुग्ण आढळलेत.
टिप्पणी पोस्ट करा