◆ नवी दिल्ली: करोना व्हायरसमुळे लॉकडाऊनच्या काळात मद्य विक्री करण्यास बंदी केली होती. पण त्यानंतर तिसऱ्या लॉकडाऊनमध्ये राज्य सरकारांना मिळणाऱ्या उत्पन्नाचा विचार करून मद्याची विक्री करण्यास पवानगी देण्यात आली. पण यामुळे सोशल डिस्टन्सिंगचा नियम पाळला जात नसल्याने पुन्हा त्यावर बंदी घातील गेली. तेव्हा पासून मद्याची ऑनलाइन विक्री करून त्याची होम डिलिव्हरी करण्याचा विचार सुरू होता.
◆ आतापर्यंत जेवणाची डिलिव्हरी करणाऱ्या स्विगीने मद्याची डिलिव्हरी करण्यास सुरुवात केली आहे. गुरुवारपासून झारखंडमध्ये स्विगीने मद्य घरी पोहोचवण्याची सेवा सुरू केली. झारखंडमधील नागरिक आता घरी बसून मद्या मागवू शकतात. कंपनीने दिलेल्या माहितीनुसार अनेक राज्यांसोबत यासंदर्भात चर्चा अंतिम टप्प्यात आहे.
◆ झारखंडमध्ये लॉकडाऊन जाहीर झाल्यानंतर पहिल्यांदा बुधवारी मद्याची दुकाने उघडण्यात आली. पण या दुकानांच्या बाहेर मोठ्या प्रमाणात गर्दी झाली. राज्य सरकारने मद्यावर २५ टक्के अतिरिक्त कर लावल्यानंतर देखील लोकांनी मोठी गर्दी केली होती. पण या गर्दीमुळे करोना व्हायरस वाढण्याचा धोका अधिक आहे. पण आता राज्यात ऑनलाइन मद्याची ऑर्डर देता येणार आहे.
◆ यासाठी राज्यातील लोकांना स्विगीचे अॅप अपडेट करावे लागले. अॅपवर वाइन शॉप या विभागातून युझर्स त्यांची ऑर्डर देऊ शकतील. यासाठी स्विगीने राज्य सरकारची परवानगी घेतली आहे. येणाऱ्या काही काळात राज्यातील अन्य मोठ्या शहरात मद्य घरपोच देणार असल्याचे कंपनीने सांगितले.
◆ करोना व्हायरसची सुरुवात झाल्यापासून स्विगी, राज्य सरकार आणि अन्य संस्थांसोबत ग्राहकांच्या अडचणी कमी करण्याचा प्रयत्न करत असल्याचे कंपनीचे उपाध्यक्ष अनुज राठी यांनी सांगितले. सुरक्षित आणि जबाबदारीने मद्य घरी पोहोचवण्याची जबाबदारी आम्ही घेतली आहे. यामुळे गर्दी होण्याचा धोका नाही. तसेच किरकोळ विक्रेत्यांचा व्यवसाय सुरू होऊ शकतो.
टिप्पणी पोस्ट करा